migraciya1

Библиялык коом жана эмгек мигранттары

Библиялык коом чет өлкөдө иштеген эмгек мигранттары өз эне тилинде рухий адабият окуй алышын камсыздоону тереңдетүүнүн үстүндө иштөөдө. Бул атайын биргелешкен долбоорлорду ишке ашыруу менен алектенген жергиликтүү жыйындар менен кызматташуунун аркасында ишке ашмакчы. Атайын долбоор аркылуу Инжилди бир китеп кылып орус, кыргыз тилдеринде чыгарса, өтө актуалдуу болмок. Мындай Кудай Сөзү кыргыз мигранттарына кызыктуу болмок жана кыргыз тилин үйрөнүүнү каалагандарга да жакшы жардам бермек.

Жаштарыбыз акча табуу максатында барууну каалаган өлкөлөрдүн бири Түштүк Корея болуп саналат. Алар бул максатта корей тилин үйрөнүшөт. Жүздөгөн кыргызстандыктар Корей Республикасынын өкүлчүлүгүндө ачылган билим берүү борборунан корей тилин окуп жатышат. Ошондой эле Кыргызстанда корей улутундагы 20000 адам жашайт.  Ошондуктан Корей Республикасынын Библиялык Коому менен бирдикте Инжилди орус жана корей тилинде чыгарууга Кудай жардам берсин деп сыйынып жатабыз жана бул зарыл долбоор деп эсептейбиз. Анткени азыр бизде бир эле текстти бир эле учурда корей жана орус тилдеринде окууга мүмкүндүк берчү мындай китеп жок. Ушул эле долбоор Корей Республикасында да абдан пайдалуу болмок, анткени азыр ал жакта мурунку Советтер Союзунан кеткен жүз миңдеген эмгек мигранттары иштешет. Кореяда орусча сүйлөгөн адамдар үчүн жүздөгөн чогулуштар бар, алар да эки тилде жазылган Инжилди жан-дили менен окушмак чыгар.

Мындай долбоорлорду Кыргызстандын жетекчилиги да жакшы кабыл алат деген ишеничтебиз.

Эта запись также доступна на: Russian